сайтка кириу

Manzil: 230300, Qoraqalpog’iston Respublikasi
Qonlikul tumani, Ga’rezsizlik kuchasi, raqamsiz joy
Telefon: 0(361) 332-11-16
faks: 0(361) 332-16-11
e-mail: qonlikul@umail.uz

МЕКТЕПКЕ ШЕКЕМГИ БИЛИМЛЕНДИРИЎ АСПАЗЛАРЫ БЕЛЛЕСКЕНДЕ

Өзбекстан Республикасы Президентиниң «Мектепке шекемги билимлендириў системасын түптен жетилистириў ис-иләжлары ҳаққында»ғы Қарарына муўапық, Қарақалпақстан Республикасы мектепке шекемги билимлендириў министрлиги ҳәм Өзбекстан аспазлар бирлеспеси менен биргеликте билимлендириў мекемелеринде саламат аўқатланыўды шөлкемлестириў илажларының орынланыўын тәмийинлеў мақсетинде, Нөкис қаласында мектепке шекемги билимлендириў мекемелери аспазлары арасында «Жылдың ең жақсы мектепке шекемги билимлендириў мекемеси аспазы» таңлаўы болып өтти.

Таңлаў барысында, Қарақалпақстан Республикасы бойынша мектепке шекемги билимлендириў мекемелери аспазларының шаққанлығы, епшиллиги ҳәмде балалар ушын тойымлы тағамларды таярлаўда аспазлық шеберликлери сынақтан өткерилди.

Таңлаўда Қанлыкөл районлық 13-санлы мектепке шекемги билимлендириў мекемеси аспазы Нуржанова Феруза қатнасып, сыйлы 3-орынды алыўға мияссар болды.