сайтка кириу

Manzil: 230300, Qoraqalpog’iston Respublikasi
Qonlikul tumani, Ga’rezsizlik kuchasi, raqamsiz joy
Telefon: 0(361) 332-11-16
faks: 0(361) 332-16-11
e-mail: qonlikul@umail.uz

Районда исбилерменлер прокуратура қорғаўында

Ҳүрметли Перзидентимиз Ш.М. Мирзиёевтың «Исбилермен бай болса, мәмлекет бай болады. Буның ушын исбилерменлерге қолайлы шәраят жаратыўымыз лазым. Прокурор исбилерменге жәрдемши болыўы, биргеликте ислесиўи дәркар. Прокурордың есиги исбилермен ушын ҳәмийше ашық болыўы шәрт» деген сөзлери Қанлыкөл районы прокуратурасы хызметкерлериниң күнделикли жумысының баслы бағдарына айналған.

Район прокуратурасы хызметкерлери тәрепинен исбилерменлер менен жүзбе-жүз ушырасыўлар әмелге асырылып, жумыс барысында ушырасып атырған машқалалар ҳәмде усынысларды орнында шешиў илажларына айрықша итибар қаратылмақта.

Усындай илажларға мысал етип, 2018-жылдың февраль айында Қанлыкөл районы прокуратурасы тәрепинен 2 исбилерменлик субъектине 184 млн сўм муғдарындағы кредит ажратылыўына жәрдем берилди. Сондай-ақ, 3 исбилерменлик субъектиниң жумыслары тикленип, жаңадан 3 жаңа жумыс орны жаратылды ҳәмде 2 исбилерменлик субъектлерине касса машинасын алыўында көрсетилген әмелий жәрдемлерди келтирип өтиўге болады.

Буннан тысқары, ушырасыўларда, исбилерменлик субъектлерди қорғаўдың ҳуқықый кепилликлери ҳәм олардың жумысларына нызамсыз араласыўлардың алдын алыўға қаратылып, прокурор бақлаў ҳүжжетлери қолланылмақта. Мысал ушын, нызам бузылыўшылықлар жағдайында қадағалаўшы уйым тәрепинен исбилерменлик субъектине жеңилликлерди надурыс қолланған 1 жағдай анықланып, прокурор бақлаў ҳүжжети қолланылып, исбилерменниң ҳуқықы тиклениўине әмелий жәрдем берилди.