Қанлыкөл районындағы 8- санлы балалар бақшасыда капитал оңлаўдан шығарылып пайдаланыўға тапсырылды

Өзбекистан Республикасы Президентиниң 2017-жыл 7-апрель күнги «2017-жыл социаллық объектлар тараўларының реконструкция ҳәм капитал оңлаў қурылысы бойынша қосымша ис-илажлар ҳаққында»ғы ПҚ-2873-санлы Қарарларына муўапық, орынларда мектепке шекемги билимлендириў мекемелерин жаңа заманагөй типте ири оңлаў жумыслары алып барылмақта.

Бул илажлар «2017-2021-жылларда Өзбекистан Республикасын жәнеде раўажландырыў бойынша Ҳәрекетлер стратегиясы»ның 4-бөлиминде белгиленген ўазыйпалардың орынланыўының әмелий көринисине мысал болады.

Ҳүрметли Президентимиз қарарлары тийкарында, Қанлыкөл районыда  «Қанлыкөл» аўыл пуқаралар жыйыны аймағындағы 90 орынға мөлшерленген, 8-санлы мектепке шекемги билимлендириў мекемесине жәми 600 млн сўм муғдарындағы қаржы ажыратылып, қурылыс  оңлаў жумыслары «NUKUS GAZ MONTAJ SERVIS» жуўапкершилиги шекленген жәмийети тәрепинен алып барылды ҳәм бүгинги күнге келип қурылыс жумыслары тамамланып, усы жылдың  9-октябрь күни пайдаланыўға тапсырылды.

Балалар бақшасының ашылыўы аймақ халқы, әсиресе балалары ушын үлкен қуўаныш болды.