сайтка кириу

Manzil: 230300, Qoraqalpog’iston Respublikasi
Qonlikul tumani, Ga’rezsizlik kuchasi, raqamsiz joy
Telefon: 0(361) 332-11-16
faks: 0(361) 332-16-11
e-mail: qonlikul@umail.uz

Қанлыкөл районында жаңа жыл байрамы мүнәсибети менен «Аўыл хожалығы өнимлери ярмаркасы» шөлкемлестирилди

Қанлыкөл районы ҳәкимлиги, районлық фермерлер кеңеси, районлық мәмлекетлик салық инспекциясы, «Қанлыкөл Дийхан базары» ЖШЖ менен биргеликте район халқын арзан баҳадағы азық-аўқатлық өнимлери менен тәмийинлеў мақсетинде, райондағы фермер ҳәм дийхан хожалықлары менен агрофирмаларының қатнасында «Қанлыкөл Дийхан базары» аймағында «Аўыл хожалығы өнимлери ярмаркасы» шөлкемлестирилди.

 «Аўыл хожалығы өнимлери ярмаркасы» 2018-жыл жаңа жылдың кирип келиўи мүнәсибети ҳәм район халқының байрам дастурханына саўға сыпатында райондағы дийқан фермер хожалықлары өзлери жетистирген мийўе-палыз өнимлерин арзан баҳада жеткерип бермекте.

«Аўыл хожалығы өнимлери ярмаркасы»нда дийханларымыз өзлери  жетистирген мийўе-палыз (алма 5000сўм, жүзим 6000сўм, алмурт 5000сўм, қаўын 3000сўм, ғарбыз 3000сўм, картошка 3500сўм, пияз 2000сўм, асқабақ 2000сўм, палаўқабақ 1000сўм, гешир 500сўм, гүнжи 7000сўм, мәш 5000сўм гүриш 2000сўм ҳ.т.б.) өнимлерин  арзанластырылған баҳада аймақ халқына сатып, байрам дастурханын байытыўға үлесин қоспақта.

Районымызда ярмаркалар усы жыл 10-декабрден 2018-жыл 10-январь күнине шекем даўам етеди.