сайтка кириу

Manzil: 230300, Qoraqalpog’iston Respublikasi
Qonlikul tumani, Ga’rezsizlik kuchasi, raqamsiz joy
Telefon: 0(361) 332-11-16
faks: 0(361) 332-16-11
e-mail: qonlikul@umail.uz

15-МАЙ ХАЛЫҚАРАЛЫҚ ШАҢАРАҚ КҮНИ МҮНӘСИБЕТИ ИЛАЖЛАРЫ

Қанлыкөл районында 15-май Халықаралық шаңарақ күни мүнәсибети менен “Оила” илимий-әмелий орайының районлық бөлими комплекс ис-илажлар режесине муўапық, районлық мектепке шекемги билимлендириў бөлимине қараслы 3-санлы мектепке шекемги билимлендириў мекемесинде “Мениң шаңарағым-мениң қуяшым” атамасында ушырасыў өткерилди.

Ушырасыўдың мақсети, мектепке шекемги билимлендириў мекемелери тәрбияланыўшылары менен ата-аналары арасында шаңараққа таярлық, шаңарақ-бақша консепциясын жолға қойыў, балалар санасында шаңарақ дүньяқарасын қәлиплестириўге қаратылған болып, илаж даўамында, аналар менен бақша тәрбияланыўшылары арасында “Мениң шаңарағым-мениң қуяшым” атамасында сүўретлеў жарысы шөлкемлестирилди.

Сондай-ақ, 15-май Халықаралық шаңарақ күни мүнәсибети илажлары шеңберинде, райондағы “Наўрыз” аўыл пуқаралар жыйынында жас шаңарақлар арасында “Атам, анам ҳәм мен” атамасында спорт жарыслары шөлкемлестирилди.

Спорт жарыслары жасларымыздың саламат турмыс тәрзинде тәрбиялаў, дене-тәрбияның саламатлық ушын әҳмийетин үгит-нәсиятлаўдан ибарат.